सोमवार, भदौ २९, २०८३ प्रकाशित
रसुवाको नौकुण्ड गाउँपालिकास्थित पुङखोला क्षेत्रमा बाढीपहिरोबाट प्रभावित सडक तथा बाटो मर्मतको काम भइरहेको छ। बाटो मर्मत तथा पुनःनिर्माणका लागि हर्क साम्पाङ सहित श्रमदाताहरू सक्रिय रूपमा खटिएका छन्।
यसैबीच, रसुवाको माथिल्लो स्याब्रु क्षेत्रमा प्रभावित नागरिकका लागि राहत सामग्री लिएर गैरआवासीय नेपाली संघ (NRNA) को टोली पनि पुगेको छ। विपद्पछि प्रभावित क्षेत्रमा राहत तथा सहयोग पुर्याउने उद्देश्यले विभिन्न व्यक्ति, संस्था तथा स्वयंसेवकहरू सक्रिय भइरहेका छन्।
त्यस्तै, मिस नेपाल वर्ल्ड २०२६ दिपमाला ढकाल पनि राहत तथा मानवीय सहयोगका लागि रसुवा पुगेकी छन्। विपद्पछिको अवस्थामा प्रभावित समुदायसँग प्रत्यक्ष रूपमा जोडिँदै सहयोग र सहकार्यमा सहभागी हुने क्रम बढिरहेको छ।
रसुवामा बाढीपहिरोपछि अवरुद्ध सडक तथा बाटो सञ्चालन, राहत वितरण र प्रभावित समुदायलाई आवश्यक सहयोग पुर्याउन स्थानीयवासी, श्रमदाता, स्वयंसेवक, सामाजिक संस्था तथा विभिन्न क्षेत्रका व्यक्तिहरूको सक्रियता देखिएको छ।
फेसबुक प्रतिक्रियाहरु