बिहिबार, मंसिर ४, २०८३
  • होमपेज
  • टिकापुर चैतन्य पाठशालामा अभिभावक शिक्षा कार्यक्रम–२०८३ सम्पन्न
Breaking News

टिकापुर चैतन्य पाठशालामा अभिभावक शिक्षा कार्यक्रम–२०८३ सम्पन्न

टिकापुर, कैलाली | २०८३ साउन १०

टिकापुर क्षेत्रकै उदाहरणीय तथा चर्चित शैक्षिक संस्थाका रूपमा परिचित टिकापुर चैतन्य पाठशालाले आयोजना गरेको ‘अभिभावक शिक्षा कार्यक्रम–२०८३’ २०८३ साउन १० गते भव्य एवं सफलतापूर्वक सम्पन्न भएको छ। कार्यक्रममा अभिभावकहरूको उत्साहजनक सहभागिता रहेको थियो।

विज्ञापन

कार्यक्रममा विद्यालयले नानीबाबुहरूको गुणस्तरीय शिक्षा, संस्कारयुक्त सिकाइ, विद्यालयले शिक्षा क्षेत्रमा गरेको लगानी तथा टिकापुर क्षेत्रको शैक्षिक विकासमा पुर्‍याउँदै आएको महत्वपूर्ण योगदानका विषयमा विस्तृत अभिमुखीकरण तथा अन्तरक्रिया गरेको थियो। साथै अभिभावक र विद्यालयबीचको सहकार्यलाई अझ सुदृढ बनाउने विषयमा पनि सार्थक छलफल भएको थियो।

विद्यालय प्रशासनका अनुसार अभिभावकहरूले दिएका विश्वास, रचनात्मक सुझाव तथा निरन्तर साथले प्रत्येक विद्यार्थीको उज्ज्वल भविष्य निर्माणका लागि अझ समर्पित भएर अघि बढ्ने प्रेरणा प्राप्त भएको छ। विद्यालयले आगामी दिनमा पनि गुणस्तरीय, व्यवहारिक तथा संस्कारयुक्त शिक्षालाई प्राथमिकतामा राख्दै यस्ता अभिभावकमैत्री कार्यक्रमहरूलाई निरन्तरता दिने प्रतिबद्धता जनाएको छ।

टिकापुर क्षेत्रको शिक्षा क्षेत्रमा उदाहरणीय भूमिका निर्वाह गर्दै आएको टिकापुर चैतन्य पाठशाला विद्यार्थीको सर्वाङ्गीण विकास, अनुशासित वातावरण र गुणस्तरीय शिक्षाका कारण अभिभावकमाझ विश्वासिलो तथा चर्चित शैक्षिक संस्थाका रूपमा स्थापित हुँदै आएको छ।

कार्यक्रम सफल बनाउन सहयोग पुर्‍याउने सम्पूर्ण अभिभावकज्यू, शिक्षक–कर्मचारी तथा विद्यालय परिवारप्रति विद्यालयले हार्दिक आभार व्यक्त गरेको छ।

फेसबुक प्रतिक्रियाहरु

चर्चामा

सम्बन्धित समाचार

लोकप्रिय समाचार

भर्खरै

सिफारिस