कैलाली, चिसापानी — नववर्ष २०८३ को पहिलो दिनमै सुदूरपश्चिममा एक महत्वपूर्ण पूर्वाधार परियोजनाको औपचारिक सुरुआत गरिएको छ। IME Group को लगानीमा निर्माणाधीन जाल्पादेवी केबलकार आयोजनामा आजदेखि केबलकार जडानका लागि पोल ठड्याउने काम सुरु गरिएको हो।

यस आयोजनालाई केवल भौतिक संरचना निर्माणको रूपमा मात्र नभई समग्र क्षेत्रीय विकासको आधारका रूपमा लिइएको छ। परियोजनाले सुदूरपश्चिमको पर्यटन क्षेत्रलाई नयाँ उचाइमा पुर्‍याउने, स्थानीय स्तरमा रोजगारी सिर्जना गर्ने तथा आर्थिक गतिविधिलाई चलायमान बनाउने अपेक्षा गरिएको छ।

विज्ञापन

आयोजनास्थल Chisapani धार्मिक तथा प्राकृतिक दृष्टिले महत्वपूर्ण क्षेत्र मानिन्छ। जाल्पादेवी मन्दिरसम्म सहज पहुँच स्थापना भएपछि आन्तरिक तथा बाह्य पर्यटकको आगमन बढ्ने विश्वास गरिएको छ।

परियोजना टोलीले आगामी दुई महिनाभित्र केबलकार निर्माण कार्य सम्पन्न गर्ने लक्ष्य राखेको जनाएको छ। नयाँ वर्षको पहिलो दिनबाटै कामको थालनी हुनु विकासप्रतिको प्रतिबद्धता, उत्साह र दृढ संकल्पको संकेत भएको बताइएको छ।

नयाँ वर्षसँगै सुरु भएको यो प्रयासले सुदूरपश्चिममा नयाँ आशा, नयाँ अवसर र समृद्धिको मार्ग खोल्ने विश्वास लिइएको छ।