काठमाडौं । सरकारले वैदेशिक रोजगारीमा जाने श्रमिकहरूलाई राहत दिने उद्देश्यले आवेदन दिएको दिनमै श्रम स्वीकृति प्रदान गर्ने व्यवस्था लागू गरेको छ।

श्रम, रोजगार तथा सामाजिक सुरक्षा मन्त्रालयले प्रक्रिया सहज र छिटो बनाउन नयाँ प्रणाली कार्यान्वयनमा ल्याएको जनाएको छ। यस व्यवस्थाअनुसार आवश्यक कागजात पूरा भएका श्रमिकहरूले अब लामो समय कुर्नु नपरी सोही दिन श्रम स्वीकृति प्राप्त गर्न सक्नेछन्।

विज्ञापन

मन्त्रालयका अनुसार यस कदमले वैदेशिक रोजगारी प्रक्रियामा हुने ढिलाइ, भीडभाड र झन्झट कम गर्ने विश्वास लिइएको छ। साथै, डिजिटल प्रणालीको प्रयोग बढाउँदै सेवा प्रवाहलाई थप प्रभावकारी बनाउने लक्ष्य राखिएको छ।

यसअघि श्रम स्वीकृति प्राप्त गर्न केही दिनसम्म कुर्नुपर्ने अवस्था रहेको थियो। नयाँ व्यवस्थाले श्रमिकहरूलाई समय र खर्च दुवै बचत हुने अपेक्षा गरिएको छ।